Paroles de la chanson Black Hole par Psyco M

Chanson manquante pour "Psyco M" ? Proposer les paroles
Proposer une correction des paroles de "Black Hole"

Paroles de la chanson Black Hole par Psyco M

جرابع في قصور و قطاطس في زبل و كبش بلا ڤرون حاء ينطح جفل طبيبهم مريض و دواهم يشل في سماهم غيوم اما مطرهم ما تبل كان تحمل الذل ما تڤطع باسبور بلا فيزا مطبوعة كل صفحة ديكور كل صفحة تستنا في طابع مطبوع تستنا في هجة وراء الموجة بلا رجوع نفس الموضوع نفس الخوماضة ب** منفوخة وجوه بالبوماضة نفس البرامج في نفس الاذاعة معادش مظاهر تلافز خداعة ميديا اشاعة واقع مزيف لخلى الرقبة تتشرط عالسيف سطر ما يشيخ و الجونتة ما تكيف الحرام مزين و الحلال يعيف الخيال حقيقة في راسك يترسخ Gomme ليكتب و الستيلو ليفسخ و مخك المسخ كي يخمم بنظافة كي سطوش المعبي و طاح بين الڤحافة حتى الصحافة معادش في الفاك ولات انستڤرام و مكياج في الساك ستيلو الحبار كي تعب استقال بقلم الحومير تكتب المقال كلام ما يتقال و افعال ما تترا تلافز ميحاض تسربي في خرا افاعي تتلوى تحركها الالحان و جمهور يصفق يتفرج فرحان اكبر طحان ولى بطل طليان في شقف تتصور الحل حتى العفن يتصور عسل كي تشوف في مراية تو تلقى الخلل مخك ما يفكر بالشيخة مثقل صورو قدامك مستقبل مسكر هوما يصورولك مش انتي لتصور هوما ليمركيو وقت انت لتكور شد كالة دور ارخي الاعصاب اقعد تندم قوللهم ما صاب اقعد كي جثة تعيش فوق التراب المرفق لتشل ما يهمز مجراب كل شي تقلب مشا بالمعكوس كيما اكا الحر لحاسد محبوس حتى العبادة معادش في المسجد ولات في البنوك كي الرب ولى فلوس ادى الطقوس بلفة بو عشرة خاطر بوخمسين تنسي في العشرة ڤمة في مدينة تضحك عالدشرة ما تبدل الطقس مذيعة في نشرة ناس خرجت من قشرة كبرت طغات سكرة الموت ما تراتي الاغلاط تغيضني العقول لشربت ما صحات دنيا ماكينة ناس فيها ترحات جابو نحات باش ينحت تمثال يصورلنا العبرة و يعطينا مثال لينحت جاء يلوج ما لقاش الطين تمثال بورڤيبة منحوت بالطحين تاريخ مزيف معبي تحريف جاو لربيع كتبوه خريف جاو لصباب ردوه مناضل كتبوه رئيس في بطاقة تعريف واقع مخيف و جيل مفرماتي متخرج من Google بايت يشاتي طموحو ستوري و شطحة Tik Tok في الليل يبات يلحم و يفيق على بلوك كراسي و احزاب باعت البلاد و بنية صغيرة ماتت في الواد شعب يتفرج في نفس المسلسل و المخرج ما تفكر ما تصور جهات بنية تحتية رايبة و سقاطة نهار عيد ميلادك تتوفى في بوتا تحل La Télé باش تفهم لصاير تلقى برامج متاع غشة و مساطة مع وذن ما تسمع ما يفيد الصوت و تاج لي بالشوك عالرلس لمحطوط شقف ليحرق ولى تابوت في بلادنا شتعيش لازمك تموت باش تعمل مشروع لازمك كتف دمعة لتسيل ما حبت تكف شيخة في العرق و دم بدا يجف حراقة في كفن كي جوانت تتلف تاكل الكف على جال ورقة تروح لدار مظلوم عينك زرقة ظلم و الفقر يلزك لسرقة Menotte و المتراك تلزك للحرقة اغطس في المرقة غص حوت و الكافيار كلاتو الصبابة حقك ما ضاعش حقك موجود في خزينة دولة شادتها القلابة فقر تنشر خماج تبراكي كي زنقة تضلام زومبي تتاكي سلعة تتسربا تقريب في كل نهج ولاد صغار تكونصومي في الرهج ماهيش بلاد هاذي جحيم لا مخ يفكر لا منهج تعليم شعب كي موطور لتفشتلو عجلة خرج للكياس و جايبها تقليم ذكورة تتكريك اناثي تبور كره نميمة حقد و سحور تصاور و طلامس مرمية في قبور ديوانة و رشوة في نقطة عبور جوع لكثر و فساد لي هاج تصدر في دڤلة و زيت و محتاج عايشين بلا قيمة ما فلحنا في شي حتى نسور قرطاج طلعت دجاج تكريك و دلال نفس الروتين نفس النفاق لتشوفو في العين نفس الوجوه و نفس القناع و نفس الذئاب لي في وادي الضباع هوني برشة خداع ضحكة مغلف صحابك تطيح تضحك تتلف العطار تمشيلو ميحبش يصرف احزاب تصلي بقرأن محرف شعب متخلف فيبالو طار اقصى طموحو باب المطار يحكي عالثقة و هو اكبر غدار و لضرب بالحجر نسا دارو بلار نهار لتطيح ما يوقفك حد يحبو بيبان في وجهك تتسد ماتت الروح مزال الجسد و عمرو ما الضبع يولي اسد كل واحد و كارو كل واحد و قدرو ثقة سكينة عطيتها لي لغدرو لغدرو قبل كانو اقرب الناس كي حبيت تبني هدمولك الساس ليقول ميعملش ليعمل ميقولش موكل كلابهم عليا متدورش بيدي ناخذ حقي منغورش ردوني بركان و قالولي ما تثورش غمض عينيك و امشي لبعيد تحرر بأفكارك ما تعيش عبيد فسخ لفات و ابني عالم جديد ليقة القبر كي تدردعها ما تفيد روح ما ترجعش و الميت ما يقوم لڤلبو بظلام ما تضويه نجوم كي تبوسك العقارب تتطيش مسموم ما تمدش خدك و مباعد تلوم لتعلم يعوم يعرف الغرق كي القاضي ليفرق الباطل من الحق و لكتب صدق كي تعكس الحروف كي الزين ليحيا في عين المكفوف مهما كليت كفوف و تعلمت دروس عمرك لا تعرف خفايا النفوس الغدرة كي تجي عمرها ما تشاور كي تغرك اصحابك و ضحكة في تصاور العين حرفة الڤلوب مصدية عمرك لا ترحم اعفس تعدا كي تشوف صديد يكلاشي الفضة تفهم لنباحهم اقوى من العضة نلعب بالموت كيما نلعب بالقافية نلهب مش كيفهم جمرتهم طافية مانيش نتكبر اخرتي في تراب انا موجود و عباد تعمل في راب

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment