Paroles de la chanson Ardh AL Safiline par Psyco M

Chanson manquante pour "Psyco M" ? Proposer les paroles
Proposer une correction des paroles de "Ardh AL Safiline"

Paroles de la chanson Ardh AL Safiline par Psyco M

أهلا بيك في أرض السافلين
أرض الجيلاتين إلي معبيا كيراتين
في بلاد هوني الڨحافة يعيشو كيما السلاطين
وين كي تعطي رشوة لعون يقلك كمّل ميتين
كانك فنان برا دز الطحين
تو تعمل ديسك (D'or) ومعاه ديسك (Platine)
الممثل في رمضان ضحكو عليه عباد ماسطين
وين أكبر تمثيلية لي بكى على فلسطين
أما ما فماش دموع كلها ميتة جوع
هوني الفنان على الفلوس يركع لليسوع
لي ماتو في لوروب شعللهم الشموع
وقتلي يموتو ولاد بلادك، بدل الموضوع
باش تعيش مرتاح لازم تكسر لونتان
حتى نشرة الأخبارمتاعنا تقول متاع باكستان
فلان سب فلانة وفلانة سبت فلان
ولي منقي حواجبو آذاكا يعيطولو فنان
الميديا يهمها البدن ميهمهاش الوطن
توخر كي لحصان أو آذاكا إسمو فن
آذاكا علاش مرض تعبا بالعفن
لزمو يتدفن، يتحط في لكفن
شي ماهو ماشيي
هوني لعباد اتبع كي المواشي
الدينار كل يوم يمشي و يطيح
والدولة هاي تحكم فينا بالنظام الفاشي
رونبوانات مسركلة سيّارات مصفحة بكماين كلها مدرّعة
مخابرات و جيش و بوليس و ريزوات متفرّعة
الكلها تحمي في الملك الي قاعد في القلعة
هوني فما كان عينين طايحة و مخاخ مڨلّعة
تقرى باش تخدم تحسب وحدك تطلعلك قرعة
شركات تخدّم بال (Boobs) في تشش مسلّعة
تونس باش تتصلح يعطيك ع... على كالطلعة
ذكورا تموت عالفيس و أناثي تعشق ميكانيك
موش بلاد هذا أكبر مصبّ زبلة في الأفريك
في كل شيء لتالي تونس ( Number 1 ) كان في التفريك
أكبر إكتشاف وصلنالو إخترعنا شربة فريك
أكبر شعب يصدّر في طحين عابر للقارّات
ما تلقاه في حتّى كوكب كي تلوّج في المجرّات
Arjaa Ghodwa.com الشعار متاع الإدارات
هوني الرشوة في الكيّاس و السرقة في المطارات
و الي مايجبوش الدينار هوني تجيبو الدّولارات
و الي عندو كتف يحرق الضوء مايهموش رادارات
و الي ڨدمك في عرقك و فلوسك عندو عقارات
و البوليس لي طيحك عاللعبة راو يعمل نقرات
فنانة و (Producteur) يتبادلو في النظرات
شخلى أكثر فنانة لي نجحت هي لي ورّات
و التيلي تعيّط لأكثر واحدة لي في بدنها عرّات
في تونس الفن يرحم البطرونة لي قرّات
تحب ال Porn
أدخل لل Instagram تعمل كيف
مع ال E-mail و ال mot de passe
زيدهم Préservative
عشرة آلاف J’aime جابها هذا الجسد النحيف
بلدان تصدّر بيترول و أحنا نصدرو في التڨحيف (ياو)
Instagrameuse
تعيش بلاش
توري ال Boobs
تجيب ال Money Cash
بدّل ال Look
تحط شويّة ماش
تعدي حياتها سهريّات تڨحّف في الأوباش
في بلاد المهازل و ال Niveau لي ديما نازل
Chroniqueuse في التيلي
تخدم بالبزازل
كي ترامب للمكسيك لازمنا جدار عازل
ماعادش يقلقني كان على جنسيتي نتنازل
يلزمني نبدّل البلاد ولّا نبدّل ال Puce
العباد تقول كراتش في roulette russe
في البطحة إنت و زهرك مع شكون تطيح
الكلها أكباش بلا ڨرون تعشق النطيح
شعب يصرف مالتڨحيف و هو بطّال
برشا ذكورا طموحا جوانت و برشا أرطال
و الأناثي طموحها باكو مكياج من فاتال
و القاسم المشترك بيناتهم مافماش Local
ال éducation لازمها تزيد ديبلوم توحويح
خاتر كل ما تدفع أكثر كل ما تبدى تصيح
Simulation Level 99 عال CADPAT
و تجيبك عند سي علاء يفتح الستار يا زلاط
و نزيد ننصح بالكشي الأناثي تفيق
هذا الكائن الرقيق من البلد الشقيق
من اللوطة إلبسلو Parachute في بلاصة الكلسون
خاطر وقتلي يكمّل بيك يطيشك مالبلكون
و Coming Soon
Trailer متاع الفيلم لي باش يبدى
ذكورة مخنثة كي الأناثي و الشعورات ملبّدة
كيّاسات محفّرة في التيلي قالولنا معبّدة
و الدولة حاربتنا و خرجتنا بخسائر متكبّدة
سياسة كي النجاسة و الإعلام كي المجاري
فمّا كان السرقة و النهب و عجز تجاري
كل مرّة تحوير وزاري
و الوزراء كيما الجواري
تونس ولّات تضحّك أكثر من Jim Carrey
بلاد الإستحمار
بلاد الرشوة و الإستعمار
وقتلي يزدم الفيراج البوليس يعمل إستنفار
على ورقة في الإدارة تعدّي حياتك إنتظار
زوز ولايات عامرين و البقيّة خلاء و قفار
ملزوز نعيش معاهم بالسيف مانيشي حاب
بلاد تحقر الرجال و تقدّر كان الق...
الثروات لي عنا تبني ناطحات سحاب
أما رئيسنا عندو في كل سفارة برشا أصحاب
بالأكتاف في كل منصب تلقى واحد محطوط
أدفع ال CV المدير يقلّك الدنيا بخوت
تعدّي حياتك لكلها تتفرّج حتى لين تموت
ماعندكشي فلوس معناها ماعندكشي صوت (ياو)
ماعندكشي بلاصة ماعندكشي قدر
بالشيخة تعبي الطاسة حتى يهزوك في القبر
هوني الظلم قريب يصب في بلاصة المطر
في الدعارة العالميّة تونس عملوها مقر
و اليدين لي تدور في الجونتة اليوم رمات الستيلو لي كتب
خاتر عارفينها بلاد ماتربح منها كان الشّب
بفلوسك تتحب تتحط معاهم فوق الرأس
الفلوسة قداسة صنعت من الراجل أكا الرڨاس
بلاد كلبة قريب تعملي masse
بلاد تقابل فاها كان الرهوط و كان العباد الرخاس
ماعادش نتحمل الخبابل لي عندي في الراس
مخي باش نسكرو باش نعملو mot de passe
باش نعملو code بنوامر مايفيدش فيه décodage
أي منظر مالڨعار يشوفو يعملو بلوكاج
موش بلاد هاذي حديقة حيوانات ناقصها Cage
الكل خليتها تمثّل و خذيت أوسكار الإخراج

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment