Paroles de la chanson Lo batant par Nadau

Lo batant Traduction française
Chanson manquante pour "Nadau" ? Proposer les paroles
Proposer une correction des paroles de "Lo batant"

Paroles de la chanson Lo batant par Nadau

Cravata roja e vèsta blua,
E tostemps enter dus avions,
L'estereò dens la veitura,
Cent quate vint, que soi urós.
Atau que vau dab energia,
Sponsorisat dinc aus caleçons,
Atau la mia filosofia,
Que soi brancat, que soi urós.

Mes cada nueit, dinc au matin,
Medish saunei, poish pas dromir,
Tostemps aqueth puto de brut,
Segut en lhièit, que'm cau la lutz.
Un brut de quan èri petit,
A vàder hòu, jamei fenit,
Shense pieitat com un miralh,
E jo qu'apèri la mia mair.

Que soi un òmi de l'an dus mila,
Que soi batant, que soi batant,
Lop ahamiat capvath la vila,
Que soi batant, e combatant.
Qu'èi escadut la mia vita,
Jo qu'èi lo nhac, jo qu'èi lo nhac,
Ganha petit, ganha petita,
Avisatz-ve, malur au flac.

Cent còps jo que venoi la lua,
Cent còps tanben que la crompèi,
Que sèi parlar de conjontura,
Que sèi parlar tà díser arren.
Aquestes torns, tot qu'ei imatge,
E lo papèr qu'ei de color,
E las ideias que son miratges,
E que las cau deishar ont son.

Uei si voletz ganhar la corsa,
Cau pas amics, cau relacions,
Un uelh pausat dessús la borsa,
E l'aute sus las eleccions.
I a los colhons e i a los autes,
Aquò sera tostemps vertat,
E n'ei pas de la mia fauta,
Si an causit d'estar de costat.

Paroles.net dispose d’un accord de licence de paroles de chansons avec la Société des Editeurs et Auteurs de Musique (SEAM)

Sélection des chansons du moment